सोना के चिरइया हमार हिन्दुस्तान

दिनवा सुरुज उगे रतिया के चान हो। सोना के चिरइया हमार हिन्दुस्तान हो ।।

मंदिर में घन्टा मसजिद में अजान हो। सोना के चिरइया हमार हिन्दुस्तान हो ।।

हिन्दु, मुसलमान, सिख अरु ईसाई। आपस में हिलमिल रहें चारों भाई ।।

सगरी धरमवां के होला सम्मान हो। सोना के चिरइया ...........

बड़ी उपजाऊ हऽ देसवा के माटी। सुंदर कसमिर बाटे फुलवन के घाटी ।।

मोरवा के नचवा कोयलिया के गान हो। सोना के चिरइया हमार हिन्दुस्तान हो ।।...........

गेहूं, चना, धान सब अन्न उपजेला। सुई से लेके एटम बम तक बनेला ।।

आपन धरतिया हीरा मोतिया के खान हो। सोना के चिरइया हमार हिन्दुस्तान हो ।।...........

खेतवा में अन्न उपजावेला किसनवाँ। सीमा पर डटल रहे वीर जवनवां ।।

जै जै जवान जै, जै जै किसान हो। सोना के चिरइया हमार हिन्दुस्तान हो ।।.........